Avgreiða málið um tiltøk móti Russlandi í dag

Í dag verður endaliga avgjørt, at landsstýrið skal ikki í løgtingið við ætlaðum tiltøkum móti Russlandi og Hvítarusslandi. 

Tað eru tiltøk, sum ávirka fiskivinnuavtaluna ella útflutningin av fiskavørum og matvørum.

Løgtingið fer eisini í dag at avgreiða endaliga uppskotið um fyrsta byggistig, nú skúlabygningarnir hjá Fróðskaparsetrinum á Frælsinum í Havn skulu umvælast og umbyggjast.

Eingin tingfundur er ásettur eftir fundin í dag.

Um nýggj mál ikki koma, hevur løgtingið avgreitt øll mál, sum eru komin.

Landsstýrismaðurin í uttanríkis- og vinnumálum, Høgni Hoydal, skal í ráðførslu í uttanlandsnevndini fyrrapartin.

Verjusemjan er á skránni.