Kríggið í Ukraina og trygdarstøðan í Evropa og í Atlantshavi

Á toppfundinum samdust londini um, at menna ein stovn, sum skal verja rørleiðingar á havbotninum móti russiskum hóttanum.

- Vit eru samd um at skipa ein stovn fyri trygd, sum skal tryggja undirstøðukervið í havinum, fyri at fá uppaftur betri trygd í okkara øki. Vit kunnu sjálvandi ikki hava ein Nato-flota fram við fleiri túsund kilometrum av undirstøðukervinum, - frálanda undirstøðukervinum. Men vit skulu duga betri at savna inn upplýsingar, fregnarupplýsingar, lata hvørjum øðrum upplýsingar, og seta allar upplýsingar saman, - tí í privata geiranum eru nógvar upplýsingar, og eisini hava áhaldandi eftirlit við ferðsluni í havinum, og savna upplýsingar frá øllum hesum, so hetta verður kunning, sum gevur okkum betri førleikar at síggja, tá ið okkurt óvæntað er, og virka út frá tí.

Tað segði Jens Stoltenberg, aðalskrivari í Nato, á tíðindafundi í gjár.