Vil hava nevndina at kanna mál um løgmann og Høgna Hoydal

Bárður á Steig Nielsen, formaður í Sambandsflokkinum, vil hava landsstýrismálanevndina at kanna, um løgmaður hevur borið skeivar upplýsingar um, hvussu nógv russisk skip hava umskipað og landað í føroyskum havnum, og um Høgni Hoydal, landsstýrismaður í uttanríkis- og vinnumálym, hevur sagt ósatt um, hvat uttanlandsnevndin kann siga løgtingsfólki.

Málið skal nú kannast nærri, áðrenn tað verður greitt, um landsstýrismálanevndin fer at taka málið til viðgerðar.

Hoyr samrøðu við Hans Jacob Thomsen, formann í landsstýrismálanevndini, í útvarpstíðindunum: 

Landsstýrismaálanevndin er nevnd, sum hevur rættarligt eftirlit við, at landsstýrisfólk og løgmaður halda lógina. 

Hevur nevndin illgruna um, at óregluliga hevur verið atborið, kann hon krevja, at løgtingsforkvinnan setir ein kanningarstjóra at kanna málið.

Í nevndini eru Hans Jacob Thomsen, sum er formaður, Bárður á Steig Nielsen, næstformaður, og Hanna Jensen.