Ætlar at gevast í heyst

Jens Stoltenberg, Nato-aðalskrivari, var á tíðindafundi í Týsklandi í dag spurdur, um hann ætlar sær at halda fram sum aðalskrivari, tá longda skeiðið hjá honum er liðugt í heyst.

Hann svaraði sambært tíðindastovuni NTB, at hann framvegis hevur ætlanir um at leggja frá sær í heyst.

Tað hevur fleiri ferðir verið tosað um møguleikan hjá Stoltenberg um at halda fram sum Nato-aðalskrivari. Millum annað hevur amerikanski forsetin, Joe Biden, spurt Stoltenberg, um hann hevur hug at halda fram til apríl næsta ár.

Á tíðindafundinum í gjár segði Stoltenberg, at NATO skal hava fund í Vilnius í juli, og tá fæst meira at vita.

Sum er, hevur hann ætlanir um at leggja frá sær í heyst, og tað, sum er eftir av skeiðinum, fer hann at hugsavna seg um kríggið í Ukraina, sigur Jens Stoltenberg.