Nýggjur forsætisráðharri í Finnlandi

Finski ríkisdagurin valdi í dag Petteri Orpo úr konservativa flokkinum Kokoomus/Samlingspartiet til nýggjan forsætisráðharra. 

Hann avloysir sosialdemokratin, Sannu Marin, eftir at hennara flokkur bara gjørdist triðstørsti flokkur í ríkisdegnum eftir valið í apríl.

Sambært AFP, ætlar nýggja samgongan hjá Petteri Orpo millum annað at herða finska immigratiónspolitikkin, millum annað við at minka um flóttafólkvotuna, og gera tað torførari at fáa arbeiðsloyvi í Finnlandi.

Finnland er júst komið upp í NATO, og roknað verður við, at finska stjórnin fer at halda fast við eina stangari kós mótvegis grannalandinum, Russlandi