- Tíðindi, mentan og ítróttur
Heilbrigdi ætlar at byggja nýggjan bygning
Heilbrigdi ætlar at byggja nýggjan bygning
Heilsutrygd krevur, at hølisviðurskiftini á viðgerðarstovninum á Velbastað verða dagførd
![](https://kvf.fo/sites/default/files/styles/grein-ovasta-mynd/public/heilbrigdi-2.jpg?itok=isdWb9jp)
Heilbrigdi søkti í mars um grundøki til nýggjan bygning á Velbastað, og nú verða samráðingar millum kommununa, Búnaðarstovan og festaran um lendi.
22.06.2023 - 08:28
Býráðið í Havn hevur samtykt at fara undir samráðingar við Búnaðarstovuna og festaran um lendi til Heilbrigdi at byggja á.
Talan er um matrikulnummar 52 á Velbastað, tað er økið, har tunnilsfelagið lempar grót frá Sandoyartunlinum, vestan fyri vegin.
Heilbrigdi søkti í mars um grundøki til nýggjan bygning á Velbastað.
Góðkennandi stovnurin, sum er Heilsutrygd, krevur, at hølisviðurskiftini hjá Heilbrigd verða dagførd.
Alt bendir á, at besta loysnin er at selja verandi bygning og byggja nýtt, sigur Heilbrigdi.
Nýggjastu sendingar í ÚV
Nýggjastu sendingar í SV