Heldur fast við veiðibann

Hetta gjørdi hon greitt, tá ið hon í gjár var á almennum fundi við hvalaveiðifólk á Akranesi.

Millum 300 og 400 fólk vóru møtt á fundinum, sum er tann fyrsti av fleiri í hesum máli.

Tekur ov langa tíð
Svandís Svavarsdóttir segði, at avgerð hennara ikki var vend ímóti teimum, sum arbeiða hjá felagnum, Hvalur, men grundað á eina greining frá serfrøðingum.

Hesir serfrøðingar eru matvørumyndugleikarnir, ið hava víst á, at tað ofta tekur ov langa tíð at fáa lívið av hvali, og at talan tí er um brot á lógina um djóravælferð.

Hvørja ferð ráðharrin royndi at fáa orðið fyri seg, varð hon møtt av rakstrarrópum úr salinum.

Missa nógvar pengar
Fakfelagsleiðarin á Akranesi, Vilhjálmur Birgisson, vísti í sínum lagi á, at avgerð ráðharrans ávirkaði eina rúgvu av fólkum, sum fóru at missa um 60 milliónir krónur í lønum, samstundis sum íslendski landskassin misti nógvar skattainntøkur.

Hann gjørdi greitt, at Hvalur við vissu ferð at stevna stjórnini, tí hon uttan lógarheimild hevur sett forboð fyri hvalaveiði.

Íslendska kvotan í ár er 148 nebbafiskar.