Wagner bólkurin tikið seg aftur

Leiðarin av privatu hernaðardeildini Wagner, Prigozhin, hevur gjørt eina avtalu við Kreml seint í gjárkvøldið, sum gevur honum friðskjól í Hvítarusslandi og upploysir Wagnar bólkin.

Forsetin í Hvítarusslandi, Aleksander Lukashenko, var millummaður í samráðingunum, skrivar Reuters.

Avtalan inniber, sambært altjóða miðlum, at tað ikki fær rættarligar avleiðingar fyri teir, sum vendu sær ímóti Kreml. Restin av Wagner bólkinum, teir sum ikki vóru við í uppreistrinum, verða partur av russiska herinum. 

Prigozhin sjálvur sigur, at hann hevur gjørt avtaluna fyri at spara tey lív, sum ein samanbrestur hevði kostað, men fleiri viðmerkjarar halda, at hann hevði vónað, at russiski herðurin fór at venda sær ímóti Putin. Tá tað ikki hendi, hevði hann eitt í at velja, og tað er at gera eina avtalu við Putin.

Sambært fleiri viðmerkjarum, sum dr.dk hevur tosað við, skal hann tó ikki kenna seg alt ov tryggan í Hvítarusslandi.