Hvítarussland kann vera støð fyri álopum á Ukraina

Fyrrverandi bretski verjumálráðharrin, Richard Dannatt, óttast fyri, at leiguhermenn íWagner-bólkinum fara at brúka Hvítarussland sum støð fyri nýggjum álopum á Ukraina.

- At Jevgeny Prigozhin fer til Hvítarusslands, gevur orsøk til stúran, sigur fyrrverandi bretski verjumálaráðharin við Sky News.

Mett verður, at Wagner-bólkurin hevur umleið 25.000 hermenn, og teir hava havt týðandi leiklut hjá Russlandi at taka landøki frá Ukraina.

- Varðveitir Prigozhin stríðsmegina, verður hann aftur hóttan móti ukrainsku deildunum, sum eru næst Kyiv, sigur Dannatt.

Tað var har, innrásin í Ukraina byrjaði 24. februar í fjør, vísir hann á.

Dannatt heldur, at sannlíkt er, at Russland fer at brúka Wagner-bólkin til at gera enn eina roynd at taka Kyiv, skrivar NTB.