Bústaðir hava 154 búeindir í gerð

Almenna felagið Bústaðir hevur í løtuni 154 búeindir í gerð. 

Tað svarar Ingilín D. Strøm, landsstýriskvinna, Eiriki í Jákupsstovu, løgtingsmanni, í spurningi um bústaðir kring landið. 

Her eru lestraríbúðir og búfelagsskapir, sum Almannaverkið hevur ávísingarrættin til, ikki taldar uppí.  

Av teimum 154 eru 121 í Havn, 7 í Streymnesi, 18 í Fuglafirði og 8 á Tvøroyri.

70 búeindir aftrat

Fýra ítøkiligar verkætlanir verða fyrireikaðar við tilsamans umleið 70 búeindum. 

Hesar eru allar uttan fyri høvuðsstaðin.

Bert verkætlanin á Heimasta  Horni í  Havn,  sum Bústaðir eiga  saman við Tryggingarfelagnum LÍV, verður framd saman við privatum íleggjarum. 

Frá  2019  til  í  dag  eru  tilsamans  150  vanligar  búeindir  tiknar  í  nýtslu, umframt lestraríbúðir og búfelagsskapir, sum Almannaverkið hevur ávísingarrættin til.