Gera kømur til íbúðir

Húsið í Suðuroynni, sum er ætlað fólki við avbjóðingum, verður broytt.

Upprunaliga vóru 10 smærri kømur í húsinum. 

Av tí at fólkini, sum hava brúk fyri bútilboði í Suðuroy, hava rættiliga ymiskan tørv, ger  Almannaverkið nøkur kømur til íbúðir. 

Har vera fimm íbúðir við einum kamari og tvær við tveimum kømurum.

Tað sigur Sirið Stenberg, landsstýriskvinna, í svari til Súsonnu Bertholdsen, løgtingkvinnu.

Hon spurdi um heimið í Suðuroynni fyri fólk við avbjóðingum.

Sirið Stenberg

Sirið Stenberg er landsstýriskvinna í almannamálum. 

Sjey fólk bíða eftir tilboði

Landsstýriskvinnan sigur, at í løtuni bíða sjey fólk eftir bútilboði í Suðuroynni. Eitt teirra hevur ikki brúk fyri bútilboði enn.

Sirið Stenberg sigur, at við nýggja heiminum verður mest átrokandi tørvurin í Suðuroynni nøktaður. 

Roknað verður við, at nøkur á bíðilistanum ikki taka av tilboði um búpláss í fyrstu atløgu. Tey vilja heldur hava umlætting.

- Vit hava ikki kannað, um tað ber til at víðka um júst hatta tilboðið, sum er við Sílá. Men um tað ikki ber til, tá tørvur verður á tí, eru aðrir møguleikar í Suðuroynni, sigur Sirið Stenberg.