Endurskoða kunngerð um ansingarskipan

Ætlanin hjá undanfarna landsstýri at hækka ansingarsamsýningina upp í 18.000 kr. er strandað.

Tá uppskotið var til hoyringar, vístu kommunurnar á, at kunngerðin er ógreið og ófullfíggjað og krevur grundleggjandi endurskoðan. 

Kommunurnar mæltu frá at dagføra ansingarsamsýningina uttan samstundis at dagføra kunngerðina. 

Táverandi landsstýrismaður valdi tí at steðga á við broytingini. 

Landsstýriskvinnan, sum er nú, er samd við kommunurnar.

Landsstýrið og Kommunufelagið, semjuskjal millum landsstýrið og Kommunufelagið um børn

Landsstýrisfólk á fundi við Kommunufelagið. Sirið Stenberg, landsstýriskvinna í almannamálum, ætlar at endurskoða kunngerðina um samsýning at ansa eldri heima saman við kommununum. (Savnsmynd: Bjarni Árting Rubeksen)

Endurskoðar kunngerð saman við kommunum

Neyðugt er at endurskoða kunngerðina, sigur hon. Tað verður gjørt saman við kommunum. 

Sirið Stenberg, landsstýriskvinna, hevur svarað Bárði á Steig Nielsen, løgtingsmanni, sum spurdi um ansingarsamsýningina. 

Ansingarsamsýning kann latast fólki, sum ansa eldri og óhjálpnum fólki heima.

Undanfarna landsstýri ætlaði at hækka ansingarsamsýningina úr 10.789 upp í 18.000 kr. 1.januar i ár.

Í samgonguskjalinum hjá landsstýrinum, sum nú er, stendur, at landsstýrið skal viðgera tilmælini frá eftirmetingini av eldraøkinum saman við kommununum.

Tað, sum semja er um, verður sett í verk.