Sigur við samvitskubiti

Nýggjur vinnari var hjá 5 mannaførum við kvinnum, har Fípan Fagra annars hevði vunnið hinar róðrarnar.

Pílur hjá Róðrarfelagnum Knørri vann róðurin, og tað serstaka er, at tað var manningin á 6 mannafarinum Jarnbardi, sum mannaði Píl.

Tað er óvanligt, at ein manning skiftir bátsstødd, men einki ólógligt í tí.

Róðurskvinnan á Jarnbardi og Píli Jannie Dam Jacobsen mátti tó ásanna, at sigurin var vunnin við eitt sindur av samvitskubiti.