Norwegian hevur keypt Widerøe

Flogfelagið Norwegian hevur keypt flogfelagið Widerøe.

Tað skrivar norska kringvarpið, NRK.

Sambært fráboðan til norska keypsskálan í morgun, er felagið keypt fyri meira enn eina milliard norskar krónur, - tað svarar til góðar 643 milliónir krónur.

- Hetta er ein varði í norskari flogferðslusøgu, sigur stjórin í Norwegian, Geir Karlsen.

Bæði flogfeløgin halda fram undir sínum vørumerki, og starvsfólkini halda fram við sínum lønaravtalum.

norwegian.jpg

Norwegian hevur keypt flogfelagið Widerøe.

Hava flogið í 90 ár

Widerøe hevur í skjótt 90 ár havt rutuflúgving í Noregi og eisini uttanlands. uttanlands, Felagið hevur umleið 50 flogfør.

Widerøe flýgur m.a. millum Bergen og Vágar, og brúkar á hesi farleiðini Dash 8 Q400 flogfør, sum taka 76 ferðafólk.

Flúgvingin byrjaði í september 2021. Tá var flogið eina ferð um vikuna. 

Nú verður flogið fimm dagar um vikuna, allar dagar uttan hósdag og leygardag.