Ávara um vandamiklan royk frá eldgosinum

Íslendska politiið heitir nú á ferðafólk um ikki at koma ov nær eldgosinum í Fagradalsfjalli, 30 kilometrar í ein útsynning úr Reykjavík. 

Fólk verða biðin um at halda seg í góðari frástøðu frá gosinum, tí roykurin kann vera vandamikil at anda í seg.

Áheitanin frá politinum vendir sær til bæði íslendingar og ferðafólk, men serliga ferðafólkini mugu fáa tað at vita fleiri ferðir, skriva íslendskir miðlar.

Eldgosið sprænir út nógv svávultvísúrni, eisini nevnt SO2, sum er sera vandamikið at fáa í seg.

Sí videomyndir frá íslendska kringvarpinum, RÚV, her.