Týskarar eru misnøgdir við stjórnina

Tríggir av hvørjum fýra týskarum eru misnøgdir við stjórnina í Týsklandi.

Tað vísir ein meiningakanning, sum sjónvarpsstøðin RTL hevur gjørt.

Tilsamans 77 prosent av teimum spurdu eru misnøgd ella lítið nøgd við samgongustjórnina hjá javnaðarmanninum, Olaf Scholz.

Í februar var talið 64 prosent.

Eisini meirilutin av veljarunum hjá teimum trimum stjórnarflokkunum eru misnøgdir við stjórnina.

Ein týðandi grund til misálitið er ein umstrídd lóg um, at fólk við almennum stuðli skulu eggjast til at skifta oljufýringina.

Í farnu viku steðgaði týski grundlógardómstólurin lógini fyri at forða fyri, at hon varð skundað ígjøgnum samveldistingið uttan nøktandi viðgerð.