Putin ætlar sær aftur til Kina á vitjan

Líkt er til, at viðurskiftini millum Russland og Kina eru góð.

Í dag boðar russiski fosetin, Vladimir Putin, sambært russiskum tíðindastovum, frá, at hann ætlar sær aftur til Kina á vitjan.

Talsmaðurin hjá Putin, Dmitrij Peskov, sigur, at tey eru farin at fyrireika eina vitjan til Kina, men hann vil ikki siga ítøkiliga, nær hetta verður.

Hann leggur aftrat, at hetta er rætta løtan at halda sambandið millum londini bæði viðlíka, og gera alt fyri, at so verður í framtíðini.

Tá Putin vitjaði í Kina stutt undan innrásini í Ukraina, var avtalað, at Russland og Kina skuu samstarva meira, og tað er orsøkin til komandi vitjanina, verður sagt.

Kina hevur ikki tikið frástøðu frá innrásini hjá Russlandi í Ukraina, og hevur heldur ikki sett nøkur tiltøk í verk. Millum annað keypir Kina framvegis nógva olju úr Russlandi.