Emerald komin til Føroya

Nýggi verksmiðjutrolarin, Emerald, sum partafelagið Havborg í Havn hevur latið byggja í Turkalandi, er komin til Føroya.

Hann kom á Vág í gjárkvøldið eftir trollemmum frá Rock Trawldoors, og seinnapartin í dag klokkan fýra kemur hann á Havnina.

Emerald leggur at á Eystaru bryggju, har móttøka verður og hann verður doyptur.

20 mans vera við fyrsti túrin, sum verður í Barentshavið at fiska rækjur.

Emerald tekur næstan túsund tons av rækjum og skal fiska í russiskum sjógvi, har Føroyar eiga 4.000 tons av rækjum.