Prísvøkstur í Bretlandi: Almenn starvsfólk fáa lønarhækking

Í Bretlandi hevur stjórnin gjørt av, at yngri læknar, lærarar og onnur almenn starvsfólk skulu ikki verða so meint rakt av prísvøkstrinum.

BBC skrivar, at semja er um, at yngru læknarnir fáa eina lønarhækkan nú upp á seks prosent, umframt eina einstaka viðbót, sum er slakar 11.000 krónur.

Læraralønin hækkar 6,5 prosent, meðan tey, sum abeiða hjá løgregluni, fáa sjey prosent meira, og fólk, sum starvast í herinum, fáa fimm prosent.

Lønarhækkingin svarar tó ikki til prísvøksturin, sum hevur verið í Bretlandi í ár. Príshækkingin liggur um 8,7 prosent.

Boðini frá bretsku stjórnini koma í dag, sum skuldi vera fyrsti verkfalsdagur hja yngru læknunum, sum høvdu sagt, at teir ikki ætlaðu sær til arbeiðis næstu fimm dagarnar. Einki er tó frætt um, at teir ikki ætla at arbeiða.