G!: Heimsstjørna spælir konsert í Gøtu kirkju

Yann Tiersen. 

Um navnið ikki sigur tær nakað, so kennir tú kanska filmin um "Amélie" ella "Good Bye, Lenin!".

Yann Tiersen hevur skrivað tónleikin til báðar filmarnar "Amélie" og "Good Bye, Lenin!". 

Fyri at siga tað akkurát sum tað er, so er Yann Tiersen  ein heimsstjørna. 

Uttan iva kendasti maður, ið er partur av G! í ár. 

Og Yann Tiersen spælir konsert í Gøtu kirkju í kvøld, leygarkvøldið, klokkan 19. 

Við sær hevur hann føroysku tónleikararnar Ólavur Jákupsson og Jens L. Thomsen, ið báðir hava spælt saman við Yann Tiersen í nógv ár. 

Konsertin er almenn, tað vil siga at hon er eisini fyri onnur enn G!-gestirnar, og við sær á pallin hava teir eisini konu YannKára Sverrisson úr Enekk og Orku. 

Á skránni verður eitt sindur av hvørjum, sigur Yann Tiersen. Bæði tónleikur, ið hann hevur skrivað, men eisini tónleikur hjá Orku.

Yann Tiersen, ið er fransmaður, hevur siglt til Føroya í sambandi við G! festivalin. “Tað er ein øðrvísi og friðarligari máti at fara á konsertferð uppá,” sigur hann.

Sí samrøðuna við Yann Tiersen, ið Róar Mørkøre Hansen gjørdi.