Rukku ikki milliardina í lønum í juni

Hóast ongantíð hava verið so nógvir løntakarar í Føroyum sum í juni í ár settu lønargjaldingarnar 
ikki met í juni.

Lønirnar vóru 978 mió. kr. í juni.

Metið, ein milliard og 75 milliónir, var sett í desember í fjør.

Desember er ein góður mánaður til løn. Í desember 2021 vóru lønirnar ein milliard og 51 milliónir kr.

Menn fáa framvegis størra partin av lønunum, 600 mió. kr. í juni. Kvinnurnar fingu slakar 377 milliónir.

Munurin er eisini galdandi hjá útlendingunum, sum arbeiða í Føroyum.

Í juni fingu menninir 25,5 milliónir og kvinnurnar seks milliónir í løn.

Fleiri menn enn kvinnur eru løntakarar.