Smyril motorsteðg fyrrapartin

- Tað er ikki greitt hví motorurin steðgaði, men tað er ikki nakað mekaniskt, sum er farið, upplýsir Niels Juel Arge, stjóri.

Ferðin minkaði nakað av hesi orsøk, og ferðafólkini merktu eisini, at skipið fór at rulla.

Hetta kemst av, at ein av stabilisatorunum ikki virkar sum hann skal, og tá ferðin fer niður, rullar skipið meira.

So skjótt Smyril hevði lagt at í Havn, var farið undir at finna brekið á tí eina høvuðsmotorinum og at arbeiða við stabilisatorinum.

Brekini hava higartil ikki ávirkað ferðaætlanina hjá Smyrli.