Maskinbrekið á Smyrli rættað

Smyril siglir nú aftur við fullari maskinmegi, eftir at ein av teimum fýra høvuðsmotorunum steðgaði, tá ið hann fyrrapartin í gjár var á veg av Tvøroyri til Havnar.

Tí fekk Smyril ikki siglt við fullari ferð, og eisini merktist eitt sindur av rulli á honum. Hetta seinna stóðst av, at ein av stabilisatorunum ikki riggaði, sum hann skuldi.

Maskinbrekið er nú rættað, men framvegis verður arbeitt við at fáa rættað feilin við stabilisatorinum.

Hetta ávirkar ikki ferðaætlanina hjá Smyrli, ið nú aftur siglir sum hann plagar.