Treytaleysa fongsulsrevsing fyri at flyta hassj til Føroya

Ein maður var í dag dømdur 10 mánaða treytaleysa fongsulsrevsing fyri at hava flutt fimm kilo av hassji til Føroya. Hann tók við dóminum.

Rækjutrolarin, Polar Nataarnaq, kom á Havnina um vikuskiftið.

Tollarar og politi fóru umborð at kanna, og funnu fimm kilo av hassji.

Hetta er sami trolari, har politiið í Danmark fann fýra kilo av hassji nú ein dagin. Tá var eingin handtikin, tí tað eydnaðist ikki at fáa nakran av vátta, at hassjið var teirra.

Føroya rættur, Dómhúsið

Maðurin, sum er av grønlendskum uppruna, tók við dóminum í Føroya rætti. Hann er fyribils latin leysur. (Savnsmynd)

Skuldi seljast í Grønlandi

Maðurin greiddi í rættinum frá, at tað ikki var meiningin, at hassjið skuldi seljast á føroyska marknaðinum, men á tí grønlendska. 

Revsingin fyri so stórar nøgdir av hassji eru eitt sindur harðari í Grønlandi enn í Føroyum. Maðurin, ið er av grønlendskum uppruna, er fyribils latin leysur, og skal taka støðu til, um hann fer aftur til Grønlands. Ger hann tað, skal hann sita dómin har. 

Verður hann verandi í Føroyum, skal hann sita dómin her, tá pláss er fyri honum.