Uttanríkisráðharrar tingast um kornflutning

Russiski uttanríkisráðharrin, Sergej Lavrov, hevur í dag verið á fundi við turkiska starvsbróður sín Hakan Fidan.

Á fundinum tosaðu teir um, hvussu korn kann flytast í økinum, uttan at ukrainar ella vesturlendingar leggja seg útí.

NTB skrivar, at russiska uttanríkisráðið sigur, at teir báðir umrøddu hættir at flyta korn, uttan at nakar saboterar flutningin.

Avtalan um kornflutning um Svartahavið hjá ukrainum og russum fór úr gildi ígjárkvøldið, og russar vilja í løtuni ikki leingja hana.