Koyra nú aftur eftir Krim-brúnni

Partur av Krim-brúnni - eisini nevnd Kertsjbrúgvin - riggar nú aftur.

Í morgun vistu russiskir miðlar at siga,, at eitt sindur av ferðslu nú kann leiðast yvir brúnna aftur. Brúgvin er bygd millum Krim og russiska meginlandið, og plagar at verða nógv brúkt.

Tvey fólk lótu lív, tá fleiri spreingingar vóru á brúnni í gjár. 

Russiski forsetin, Vladimir Putin, sigur, at spreingingarnar á brúnni eru prógv fyri, at kríggið nærkast russiska fólkinum.

Enn er einki sagt alment, hvør skipaði fyri atsóknini, men russar ivast ikki í, at tað vóru ukrainar.

Spreingingarnar vóru í tí endanum á brúnni, sum er næst russiska meginlandinum. 

Sí innslag í Degi og Viku: