Juan Carlos vil hava dómara at sleppa rættarmáli

Fyrrverandi kongurin í Spania, Juan Carlos, heitti í gjár á ein dómara í London um at sleppa einum rættarmáli ímóti sær.

Tað skrivar Reuter-tíðindastovan.

Tað er fyrrverandi frilla hansara, ið hevur stevnt honum eftir 1,1 milliard krónum.

Corinna zu Sain-Wittgenstein leggur fyrrverandi kongin undir ógvisliga sjikanu, eftir at tey góvust at fríggja.

Hon leggur Juan Carlos undir at hava hótt seg, og at hava havt eftirlit við sær í 2012. Eitt nú vil hon vera við, at hann hevur fingið telefon hennara avlurtaða.

Fyrrverandi spanski kongurin noktar seg sekan.