Amerikanski sangarin Tony Bennett er deyður

Ein legenda innan tónleikaídnaði hevur lagt árarnar inn. 

Amerikanski sangarin Tony Bennett er deyður. 

Tað skriva altjóða fjølmiðlar. 

Tony Bennett

Tony Bennett bleiv 96 ár. 

Yrkisleiðin hjá Tony Bennett rakk yvir 70 ár, og vann hann hópin av Grammy-heiðurslønum.

Tony Bennett er serliga kendur fyri hittið "I Left My Heart in San Fransisco" frá 1962. 

Tony Bennett bleiv føddur í New York í 1926, og Frank Sinatra segði um hann, at hann var tann størsti poppsangarin í heiminum. 

Tony Bennett fekk staðfest Alzheimers í 2016, men hann helt fram við at framføra og innspæla tónleik til 2021. 

Seinast Tony Bennett bleiv sæddur alment var í august 2021, tá hann stóð á pallinum í víðagitna Radio City Music Hall í New York saman við Lady Gaga, sum hann hevur innspæla fleiri plátur saman við. 

Framførslan bar heitið "One Last Time". 

Tony Bennett var kendur fyri sína sera vøkur rødd og evni til at syngja ymiskar sjangrur. 

Fyrsti sangurin, ið hann gav út, var kendi sangurin "Because of You" í 1951. 

Tony Bennett var stóra fyrimyndin hjá Amy Winehouse, sálu, og tey bæði innspældu og framførdu eisini saman.