Eitt fólk latið lív í eldi umborð á farmaskipi

Í minsta lagi eitt fólk latið lív og fleiri hava fingið skaða, tá eldur kom í farmaskipið “Fremantle Highway” út fyri Hollandi, skrivar AFP-tíðindastovan.

23 sjómenn hava verið noyddir at fara av skipinum.

Fleiri teirra, ið lupu á sjógv, eru tiknir uppaftur av skipum, sum eru komin á staðið at veita hjálp.

Eldur í farmaskipi, Fremantle Highway

Aðrar hava tyrlur hjá hollendsku vaktar- og bjargingartænastuni tikið upp.

Farmaskipið, sum er skrásett í Panama, var á veg úr Bremerhaven í Týsklandi til Port Said í Egyptalandi við umleið 3.000 bilum.

Eldur í farmaskipi, Fremantle Highway

Arbeitt verður nú við at sløkkja eldin.