375.000 krónur afturfyri at selja landsins ognarlut í Smyril Line

Tað verður eitt samstarv millum Poul Smith, kamaradvoktat, Kára Davidsen hjá FaroeLaw og Súna Schwartz Jacobsen hjá Numo, ið skal ráðgeva og skipa fyri, tá landsins partabrøv í Smyril Line skulu seljast.

Tað upplýsir Løgmansskrivsstovan.

Fýra fólk eru í toyminum, sum skal gera arbeiðið, harav tvey frá kamaradvokatinum.

Tilboðið hjá teimum er 375.000 krónur.

Ikki lægsta boð

Hetta var ikki lægsta boð, men annað enn pengar telja við, tá tilboðini verða vektað, so sum royndir og førleikar.

Miðað verður eftir at fáa partabrøvini seld í hesum árinum.

Løgmansskrivstovan fekk sjey tilboð upp ráðgeving og sølufyriskipan, nú partabrøvini hjá landinum skulu seljast.

Løgmansskrivstovan bað 16. mai tey, sum høvdu áhuga í at standa fyri søluni, um at koma við tilboði í seinasta lagi 14. juni. Sjey tilboð komu inn.

16,2 prosent

Landið eigur 16,2 prosent í Smyril Line. Fíggjarmálaráðið væntar, sambært fíggjarlógini, at fáa 79 milliónir krónur fyri partabrøvini.

Tann, sum fær arbeiðið, skal gera virðismeting, sølutilfar, skipa útboðið og fyrireika møguliga søluavtalu.

Í útbjóðingini stendur, at loysnin skal vera tann búskaparliga og fakliga skynsamasta í einari møguligari sølu.