Ráðharri og landsstýrisfólk í Faroe Pride

Íslendski ráðharrin, Guðmundur Ingi Guðbrandsson, var við Í Faroe Pride í gjár.

Guðmundur Ingi Guðbrandsson er ráðharri í almanna- og arbeiðsmarknaðarmálum.

Hann er í Føroyum fyri at tosa við Sirið Stenberg, landsstýriskvinnu í almanna- og mentamálum.

Tey tosaðu millum annað um LGBT+ rættindi.

Guðmundur Ingi Guðbrandsson er floksfelagi hjá íslendska forsætisráðharranum, Katrini Jakobsdóttur, sum umsitur javnstøðu- og LGBT+ mál í íslendsku stjórnini. 

Katrin Jakobsdóttir og Guðmundur Ingi Guðbrandsson eru bæði íðin talsfólk fyri javnstøðu og LGBT+ rættindum.

Við í Pride

Almanna- og Mentamálaráðið sigur í tíðindaskrivi, at Sirið Stenberg var eisini við í Faroe Pride í gjár.

Tað var Bjarni Kárason Petersen, landsstýrismaður, somuleiðis.

Bjarna Kárason Petersen er landsstýrismaður í samstarvsmálum.

Guðmundur Ingi Guðbrandsson er samstavsmálaráðharri.

LGBT+ raðfest

Vitjanin hjá Guðmundi Inga Guðbrandssyni og, at hann og Sirið Stenberg og Bjarni Kárason Petersen 
vóru við í Faroe Pride eru tekin um, at javnstøða og LGBT+ mál hava týdning og eru raðfest hjá sitandi samgongu.

Í hesum málum er Ísland eitt undangonguland.

Tí er avgjørt gagnligt fyri okkum við góðum samstarvi, sigur Sirið Stenberg, landsstýriskvinna.