Siumut-formaðurin afturvaldur

Eingin ivi er um, hvønn limirnir í grønlendska flokkinum Siumut vilja hava at standa á odda fyri flokkinum, tí Erik Jensen er afturvaldur sum floksformaður við stórum meiriluta.

39 av teimum 68, sum vóru á landsfundinum hjá Siumut um vikuskiftið, atkvøddu fyri honum, og tað svarar til 57 prosent. Aki-Matilda Høegh-Dam fekk 16 atkvøður og Kim Kielsen fik 13.

Hetta er annað formansskeiðið hjá Erik Jensen. Hann var valdur í 2020, tá hann vann í seinna valumfari 39-32 á Kim Kielsen, sum hevði verið formaður síðani 2014. 

Í fyrra valumfarinum tá fekk Erik Jensen 35 atkvøður, Kim Kielsen 29 og Vivian Motzfeldt sjey atkvøður.