Døglingar darva enn ferðsluni

Tríggir døglingar hava verið á Kaldbaksfirði í tríggjar vikur.

Nógv eru tey, ið steðga á og nýta høvið at síggja hesa sjáldsomu sjón. 

Men nógvu bilarnir, sum standa á Kaldbaksvegnum, tí fólk hyggja eftir døglingunum á Kaldbaksfirði, eru framvegis til ampa fyri ferðsluna, sigur politiið.

Skulu standa røttu megin

Bilar hava loyvi til at standa á Kaldbaksvegnum.

Men tað skal vera við skili, millum annað skulu bilarnir standa røttu megin.

Hámarksferðin á Kaldbaksvegnum er 80 km/t.

Tá kemur illa við, um bilførarar høgga bremsurnar í, tí teir síggja ein hval.

Politiið undrast á, hví fólk ikki standa norðaru megin Kaldbaksfjørð, á vegnum til Kaldbaks, tí har er ferðslan nógv minni.

Myndina tók Harald Bjørgvin