Stív helvtin av grønlendsku fíggjarlógini eru pengar úr Danmark ella ES

Stív helvtin, ella 58 prosent, í uppskotinum um grønlendska fíggjarlóg fyri 2024 stavar frá heildarveitingini úr Danmark ella frá pengum frá ES.

Uppskotið var almnannakunngørt í gjár.

Sambært tí eru inntøkur landskassans átta milliardir og 14 milliónir krónur.

Útreiðslurnar eru nakað minni, sjey milliardir og 912 milliónir.

Avlopið er tí góðar 100 mió. kr.

Landsstýrið fer næsta ár at leggja dent á ung, gomul og heilsu.