- Tíðindi, mentan og ítróttur
Forsetavalevni í Ekvador dripið
Forsetavalevni í Ekvador dripið
Fernando Villavicencio, sum stillaði upp til forsetavalið í Ekvador, varð í gjár skotin og dripin á einum veljarafundi í høvuðsstaðnum Quito
Ein veljarafundur í Ekvador endaði í blóðbaði, tá valevnið Fernando Villavicencio varð skotin og dripin
Mynd: Ritzau / Scanpix
10.08.2023 - 09:30
Fólk í Ekvador eru skelkað eftir at Fernando Villavicencio, sum stillaði upp til forsetavalið 20. august varð skotin og dripin á einum veljarafundi í gjár.
Fleiri vápnaðir menn vóru við í álopinum, skrivar Reuters.
Sambært statsadvokatinum í landinum, er ein persónur, sum var undir illgruna fyri morðið, skotin av trygdarliði seinni um dagin.
Viðkomandi doyði seinni av løstunum.
Á X skrivar sitandi forseti, Guillermo Lasso, at hann fer at æra minni um Fernando Villavicencio og tí, hann arbeiddi fyri.
- Eg kann vissa tykkum um, at hendan ræðugerð verður revsað. Skipaði harðskapurin er farin ov langt og lógin fer at raka harðskapsfólkini hart, skrivar hann.
Onnur forsetavalevni í Ekvador heita nú á stjórnina um at gera okkurt við slík dráp beinavegin.
- Vit vilja ikki bara hava orð frá stjórnini. Ger okkurt. Vit verða dripin, segði valevnið Otto Sonnenholzner á einum tíðindafundi, skriver Reuters.
Sambært veljarakanningum, so hevði Villavicencio fingið 7,5 prosent av atkvøðunum.
Er kopiera
Nýggjastu sendingar í ÚV
Nýggjastu sendingar í SV
