U19-landsliðsvenjarin: "Eingin verri máti at tapa ein dyst uppá"

10.08.2023 - 14:55

Ítróttur›Hondbóltur

"Vit halda ikki høvdið nóg kalt, hvørki vit á beinkinum ella leikararnir, og tí gongur tað galið," ásannar Hjalti Mohr Jacobsen, venjari hjá U19-manlandsliðnum í hondbólti

Emil Lisberg Jacobsen

Aktivera javascript

Bæði leikarar og venjarar eru í kolkjallaranum oman á stóra vónbrotið móti Egyptalandi

U19-landsliðið í hondbólti hjá monnum tapti fyrr í dag fjórðingsfinaluna í HM móti Egyptalandi eftir longda leiktíð.

Í vanliga dystinum vóru Føroyar á odda við tveimum málum, tá ein minuttur var eftir, men í allarsíðsta sekundi av dystinum eydnaðist tað Egyptalandi at javna til 31-31.

Í longdu leiktíðini var Egyptaland greitt omaná og vann at enda 38-34.

U19-manslandsliðið í hondbólti, Føroyar, HM, Hjalti Mohr Jacobsen

Hjalti Mohr Jacobsen, landsliðsvenjari hjá U19-monnunum í hondbólti, ásannar, at tað neyvan finst nakar verri máti at tapa ein dyst uppá, enn tann mátin, ið U19-landsliðið tapir upp á í dag.

Føroyar skulu nú spæla um plássini frá nummar 5 til nummar 8.

Næsti dystur hjá Føroyum verður móti Danmark ella Portugal.