- Tíðindi, mentan og ítróttur
HM-fjórðingsfinalan hjá U19-hondbóltsmonnum verður klokkan 12
HM-fjórðingsfinalan hjá U19-hondbóltsmonnum verður klokkan 12
Á middegi, klokkan 12, skal føroyska U19-manslandsliðið í hondbólti royna at spæla seg í HM-hálvfinalua móti Egyptalandi
Spælskiparin og stórtalentið Óli Mittún verður avgerandi, um Føroyar skulu spæla seg í HM-hálvfinaluna
Mynd: Hondbóltssambandið á Facebook
10.08.2023 - 09:32
Háspenningur er í luftini, nú føroyska U19-manslandsliðið í hondbólti hevur møguleikan at spæla seg í eina HM-hálvfinalu.
Tað hendir klokkan 12, altso á middegi, tá Føroyar og Egyptaland fara at dystast í Arena Varaždin í kroatiska býnum Varaždin.
Lagt er upp til ein sera spennandi dyst, tí tað eru tvey sera jøvn lið, ið møtast.
Føroyar og Egyptaland hava bæði vunnið sær fram til HM-fjórðingsfinaluna við fýra sigrum og einum ósigri í skjáttuni.
Dysturin verður stroymdur á YouTube-rásini hjá altjóða hondbóltssambandinum, IHF.
Leinki til stroymin liggur eisini út til høgru á heimasíðuni hjá Kringvarpi Føroya.
Er kopiera
Nýggjastu sendingar í ÚV
Nýggjastu sendingar í SV
