Føroyingur gekk seg fastan oman fyri Hvannasund

Ein maður gekk seg fastan í fjøllunum norðanfyri í gjár, og hjálp varð boðsend. 

Tað vóru tveir vinmenn, sum vóru farnir túr í fjøllunum oman fyri Hvannasund, ið komu í knípu.

Annar fór oman aftur í bilin, ímeðan hin vildi síggja meir. 

Tá ið vinmaðurin ikki kom aftur, vórðu boð send eftir løgregluni. 

Fjallabjargarar

Gingið seg fastan í brattlendi

Bjargingartyrla, fjallaklintrarar, politistar og staðkend fólk vórðu boðsend.

Tey fingu eyga á mannin, sum hevði gingið seg fastan í brattlendinum og slapp hvørki aftur ella fram. 

bjargingartyrla, tyrla, Atlantic Airways

Nakrir staðkendir mans fóru ímóti honum og fingu leiðbeint hann, hvussu hann skuldi ganga seg burtur úr knípuni og hann kom omanaftur í øllum góðum.

Vinmenninir vóru báðir føroyingar.