- Tíðindi, mentan og ítróttur
Føroyingur gekk seg fastan oman fyri Hvannasund
Føroyingur gekk seg fastan oman fyri Hvannasund
Tað vóru tveir vinmenn, sum vóru farnir túr í fjøllunum oman fyri Hvannasund. Annar fór omanaftur í bilin, meðan hin vildi síggja meir, men endaði við at ganga seg fastan
Tað er bratt norðanfyri, og tað fingu tveir føroyskir vinmenn at kenna sviðan av, tá teir gingu seg fastar oman fyri Hvannasund
Mynd: Hvannasunds kommuna á Facebook
11.08.2023 - 09:46
Ein maður gekk seg fastan í fjøllunum norðanfyri í gjár, og hjálp varð boðsend.
Tað vóru tveir vinmenn, sum vóru farnir túr í fjøllunum oman fyri Hvannasund, ið komu í knípu.
Annar fór oman aftur í bilin, ímeðan hin vildi síggja meir.
Tá ið vinmaðurin ikki kom aftur, vórðu boð send eftir løgregluni.
Gingið seg fastan í brattlendi
Bjargingartyrla, fjallaklintrarar, politistar og staðkend fólk vórðu boðsend.
Tey fingu eyga á mannin, sum hevði gingið seg fastan í brattlendinum og slapp hvørki aftur ella fram.
Nakrir staðkendir mans fóru ímóti honum og fingu leiðbeint hann, hvussu hann skuldi ganga seg burtur úr knípuni og hann kom omanaftur í øllum góðum.
Vinmenninir vóru báðir føroyingar.
Er kopiera
Nýggjastu sendingar í ÚV
Nýggjastu sendingar í SV
