Sjómannadagar byrja týsdagin

So byrja Sjómannadagarnar aftur, hvørs endamál er at varpa ljós á fiskivinnuna í sini heild. 

Av nógvu ymisku tiltøkunum kann árliga fiskivinnutingið nevnast. Fiskivinnutingið verður í Miðhøllini á Skúlatrøð. Tað er Føroya Fiskimannafelag skipar fyri pallborðsfundi. Luttakararnir eru serfrøðingar og limir úr øllum flokkum á Løgtingi.

Høvuðsevnið á fundinum er spurningurin: Ber til at virðisøkja fiskatil­feingið meira, enn gjørt verður í løt­uni, og hvørjar avbjóðingar eru í hesum sambandi?

Eisini skal viðgerðast um tað eru ótroyttir møguleikar fyri virðisøking av fiskatilfeinginum, tá ið tað kemur til matvørur úr fiski. Til dømis fisk í dós og aðrar víðarivirkaðar fiskavørur?

Umframt hvørjir møguleikar eru fyri virðisøking av fiskatilfeinginum við øðrvísi vørum, eitt nú plástur úr skræðu,lýsi og annað.

Tríggjar framløgur vera á fundinum: Sigurjón Árason, yvirverkfrøðingur á Matís og professari á Háskóla Íslands fera at tosa um royndirnar í Íslandi við víðarivirking av fiskavørum.

Fróði Magnussen, formaður í búskaparráðnum fer at tosa um virðisøking og fjøltáttan av búskapinum í samfel­ags­búskap­ar­ligum høpi. Og Ben Arabo, stjóri í Framtak, fer at tosa um fígging av nýggjum/innovativum framleiðslum. 

Fiskivinnutingið verður mikudagin 16. august klokkan hálvgum sjey.

Skráin fyri ársins sjómannadagar sæst her.