Einusinnisinntøkur eru ikki taldar við í væntaðum inntøkum landskassans

Johan Dahl, løgtingsmann, spurdi Ruth Vang, landsstýriskvinnu í fíggjarmálum, um einusinnisinntøkur landskassans.  

Einusinnisinntøkur eru vinningsbýti og seld partabrøv. 

Einusinnisinntøkurnar vóru 1,8 prosent av inntøkunum í 2017, tær vóru 2,5 prosent í 2021, 2,0 prosent í 2022 og vera væntandi 1,4 prosent í ár.

Einusinnisinntøkur eru ikki taldar við í væntaðum inntøkum landskassans árini 2024 til 2027, sigur Ruth Vang, landsstýriskvinnan í figgjarmálum

Ùrslitið hevði verið 486 mió. kr. minni

Í 2017 hevði avlop landskassans verið 100 mió. kr. minni uttan einusinnisinntøkurnar, í 2021 hevði verið hall í staðin fyri avlop, í 2022 hevði avlopið verið góðar 134 mió. kr. minni og í ár verður tað 96 mió. kr. minni uttan einusinnisinntøkurnar.

Samanumtikið hevði úrslit landskassans verið 486 mió. kr. minni árini 2015 til 2023.

Sannlíkt hevði hesin munur verið figgjaður við láni, svarar landsstýriskvinnan.

Seld skip og bygningar eru ikki við í samanteljingini hjá Fíggjarmálaráðnum.