Føroyar varðveita somu kredittmeting

Føroyar varðveita somu kredittmeting. 

Tað skrivar landsbankin í tíðindaskrivi.

Fríggjadagin gjørdi ratingfyritøkan Moody’s greitt, at Føroyar varðveita sítt kredittvirði.

Ratingin er Aa2 við støðugum útlitum.

Tinganes, Landstýrið

Evnini at rinda skuld aftur

Ratingin sigur nakað um, hvussu evnini hjá Føroyum eru at rinda aftur skuld. 

Føroyar hava við hesum triðhægstu meting á ratingstiganum hjá Moody's, sum hevur 21 stig. 

Og tað hevur týdning at fáa eitt gott próvtal, tí:

Fyri tað fyrsta, so eru tað fleiri íleggjarar, sum vilja veita Føroyum lán. Fyri tað næsta, so gevur kredittmetingin føroyingum møguleika at føra sín egna fíggjarpolitik í tíðum við búskaparligari afturgongd. Og fyri tað triðja, so hevur góða próvtalið eisini ávirkan á, hvørja rentu Landskassin skal rinda fyri lán. Jú betri próvtal, jú lægri renta.

Aling, Fóðurflakar

Sambandið við Danmark umráðandi

Um Føroyar ætla at seta nøsina upp móti at fáa eina betri kredittmeting, so skal skuldin hjá landinum minkar munandi, ella búskapurin gerast meira fjøltáttaður.

Um Føroyar ætla at varðveita góðum metingina, so skal landið umganga, at skuldin veksur munandi, at landskassin hevur bygnaðariligt hall, til dømis hall í fleiri ár á rað, at óvæntaðir stoytir rakar fiskivinnuna/alivinnuna, og at sambandið við Danmark viknar.