Rúmdarfar dottið niður á mánanum

Tað sigur russiski rúmdarstovnurin, Roskosmos, sambært tíðindastovuni Reuters. Rúmdarstovnurin misti sambandið við rúmdarfarið í gjár. 

Eftir ætlan skuldi farið lenda á suðurpólinum á mánanum í morgin, mánadag. Eitt stað á mánanum, har eingin nakrantíð hevur megnað at lent áður. 

Einki fólk var við í rúmdarfarinum. 
 

47 ár síðan síðstu mánaferð

Russland hevur ikki verið á mánanum síðan 1976. 

Endamálið við ferðini hesa ferð var at kanna, um vatn er á staðnum, eins og metingar eru um, at tað er. Fleiri serfrøðingar vilja tó vera við, at endamálið hjá Russlandi við mánaferðini serliga er fyri at vísa, at Russland framvegis er ein av størstu avbjóðarunum í rúmdini. 

Bæði USA og Kina arbeiða við líknandi verkætlanum, ímeðan India í farna mánaði sendi eitt rúmdarfar til mánan.