Ongin fólkaskaði, tá vørubilur og lastbilur rendu saman

Fyrrapartin var eitt ferðsluóhapp á Hvítanesvegnum. 

Um ellivutíðina fyrrapartin fekk løgreglan boð um, at tveir bilar høvdu rent saman á Hvítanesvegnum.

Talan var um ein vørubil og ein lastbil. 

Roykur kom úr eina bilinum, og bæði sjúkrabilur og sløkkiliðsbilur vóru sendir á staðið. 

Løgreglan upplýsir, at onkur fólkaskaði var í sambandi við ferðsluóhappið, men ikki álvarsligur.