Russland: Prigozjin var á ferðafólkayvirlitinum

Leiðari hjá Wagner-bókinum, Jevgenij Prigozjin, var umborð á flogfarinum, sum fyrr í dag datt niður norðanfyri Moskva. 

Tað siga russisku loftferðslumyndugleikarnir, sambært Reuters. 

Wagner bólkurin

Tað verður somuleiðis hildið, at stovnarin av Wagner-bólkinum, Dmitrij Utkin, eisini var umborð á niðurdotna flogfarinum. 

Miðil Telegraf váttar eisini tíðindini, at Prigozjin var umborð.

Sambært Telegraf, so ímynda ljósini í høvuðssætið hjá Wagner-bólkinum í kvøld ein kross. 

Tíggju fólk vóru umboð, har av sjey vóru ferðafólk, meðan mannskapið taldi trý. 

Amerikanski forsetin, Joe Biden, sigur í viðmerking til tíðindini, at tað kemur ikki óvart á hann, um Jevgenij Prigozjin var umborð á flogfarinum. 

Jevgenij Prigozjin

Nógv er tosað um, at tað fór at fáa avleiðingar fyri Jevgenij Prigozjin og Wagner-bólkin, at illa gitni russiski bólkurin royndi at gera hernaðarkvett móti Putin í juni.