![](https://kvf.fo/sites/default/files/styles/myndasavn-width/public/elin_a_rogvi_vid_bok.jpg?itok=OzfB8O1X)
- Tíðindi, mentan og ítróttur
Nýggj upprunaføroysk krimi til børn um at vera tilflytari
![](https://kvf.fo/sites/default/files/styles/grein-ovasta-mynd/public/flytifuglar_permumynd_edt.png?itok=w8grNCKo)
11 ára gamla Mai hevur búð í Vestmanna í fleiri ár.
Men hóast tað, so hevur hon ilt við at kenna seg heima, tí eingin letur Mai gloyma, at hon er øðrvísi, tí Mai er tilflytari.
Tá ein drongur hvørvur sporleyst úr einum barnavogni, royna Mai og vinkonan Emma at finna hann.
Dagarnir ganga, og leitanin tykist vónleys. Men knappliga stendur Mai við einum smábarni í ørmunum og má flýggja fyri lívinum, um hon skal bjarga sær sjálvari og barninum.
Mynd: Bjarni Árting Rubeksen
Bæði heima og fremmand í senn
Soleiðis ljóðar søgugongdin í bókini "Flytifuglar", sum Elin á Rógvi hevur skrivað.
Í Føroyum búgva nógvar familjur, har annað foreldrið er føroyingur, og hitt foreldrið er tilflytari úr einum øðrum landi. Børnini í hesum familjum hava tí ofta tvær mentanir og tvey mál - um ikki fleiri.
Mynd: Bjarni Árting Rubeksen
Elin á Rógvi, rithøvundur, setir við bókini sjóneykuna á, hvussu tað kennist at vaksa upp í einum samfelagi, har tú bæði ert heima og fremmand ella fremmandur í senn? Hvussu er tað hjá einum barni at vera ímillum tvær mentanir?
Í sambandi við útgávuna skipar Bókadeild Føroya Lærarafelags fyri útgávutiltaki mikukvøldið 30. august klokkan 19 í Reinsarínum í Havn.