Menn ikki vardir nóg væl í lóg um foreldramyndugleika

Sera fáir menn halda, at lógin um foreldramyndugleika verjir teir líka væl sum hon verjir kvinnur.

Bara trý prosent av monnum í Havn halda, at menn eru eins væl vardir og kvinnur.

Á bygd halda fimm prosent, at menn eru eins væl vardir.

Nýggj frágreiðing er komin um gerandislívið, virði og familjuviðurskifti hjá monnum í Føroyum.

Firouz Gaini, granskar, 16:9

Firouz Gaini, professari í antropologi, var verkætlanarleiðari. (Mynd: Bjarni Árting Rubeksen)

650 menn vóru spurdir

Frágreiðingin er ein spurnarkanning, sum var gjørd í februar og mars 2022.

650 menn í aldrinum 18 til 52 ár vóru við í kanningini. 136 spurningar vóru í kanningini. 

Søgu- og samfelagsdeildin á Fróðskaparsetrinum stóð á odda fyri kanningini og frágreiðingini pápar og familjulív í Føroyum 2022. 

Firouz Gaini, professari í antropologi, var verkætlanarleiðari.

Spurnakanningin var gjørd í samstarvi við fyritøkuna Lóður.

Talan er um fyrstu kanning av sínum slagi í Føroyum.

Kanningin kann lesast her.