Gera ymsar broytingar umborð

Verksmiðjutrolarin Emerald liggur enn á Havnini, tí hann er ikki klárur at fara til fiskiskap enn.

Ymiskt skal broytast umborð, men reiðarin, Kaj Johannesen, vónar, at trolarin kann fara síðst í hesari vikuni.

Tað ber tó ikki til at siga við fullari vissu.

Royndu eftir rækjum

Emerald var vestan fyri Føroyar um vikuskiftið og royndi eftir rækjum. Hann hevði royndarloyvi í eitt samdøgur.

Nakað var at fáa, men hetta er ikki rætta árstíðin at fiska rækjur, sigur Kaj Johannesen.

Emerald er bygdur í Turkalandi og fór haðani 25.juni.

Hann kom til Havnar 13. juli.