Fáa klipp í koyrikortið, um barn ikki er í trygdarbelti

Eru børn ikki í trygdarbelti, fær tann, sum koyrir bilin, klipp í koyrikortið.

Hvønn skúladagsmorgun er politiið við onkran skúla, tá skúladagurin byrjar.

Í morgun eru tríggir ella fýra skúlar á skránni.

Í gjár var politiið á Viðareiði.

Politiið kannar millum annað, um skúlabørnini eru í trygdarbelti.

Eru børn ikki tað, fær bilførarin klipp í koyrikortið.

Eitt annað, sum politiið átalar, eru børn, sum bera skúlataskuna á bakinum, meðan tey sita í bili. Tá eru tey ikki trygg.

Hetta skúlaátakið verður hvønn skúladagsmorgun í einar tvær vikur aftrat.

Annars er tað javnan alt árið, sigur politiið.