Ógreitt um gamlar vindmyllur skulu umvælast

SEV hevur ikki gjørt av enn, um gomlu vindmyllurnar í Neshaga og Húshaga skulu umvælast.

Enercon-myllurnar hava ikki roynst sp væl sum ætlað. 

SEV sigur, at sannlíkt er føroyska veðurlagið við nógvum sjóroki og vætu orsøkin til nógvu avbjóðingarnar við generatorunum, um einki verður gjørt fyri at verja teir. 

Umvæla uttanlands

Verða myllurnar umvældar, verður tað sannlíkt uttanlands.

Ein mylla í Neshaga var send til Bretlands til umvælingar. 

Tað sigur Ingilín D. Strøm, landsstýriskvinna, í svari til Helga Abrahamsen, løgtingsmann, sum spurdi um Enercon myllurnar hjá SEV.

Landsstýriskvinnan sigur, at Enercon-myllurnar í Porkeri eru vardar móti vætu.