Selja framvegis færri bilar

88 færri nýggj akfør vóru skrásett fyrstu átta mánaðirnar í ár enn somu tið í fjør, vísa tøl hjá Akstovuni.

Frá januar til august vóru innflutt 1565 nýggj akfør samanborið við 1653 somu tíð í fjør. Afturgongdin er góð fimm prosent.

Higartil í ár eru innfluttir 1188 nýggir persónbilar, 31 færri enn somu tíð í fjør.

Fleiri akfør í august

Í august vóru tó fleiri akfør skrásett enn sama mánað i fjør, 239 akfør, sum eru 42 fleiri enn sama mánað í fjør.

Persónbilarnir vóru 61 fleiri í august í ár enn í august í fjør. 

Frá januar til august vóru innflutt 157 brúkt akfør, 31 færri enn somu tíð í fjør.